O prazo para solicitar as axudas municipais de aloxamento, subministros e alimentación remata o 14 de xullo

Desde onte martes ata o 14 de xullo poderán solicitarse as axudas municipais de aloxamento, subministros e alimentación nunha oficiña instalada na Lonxa do Concello entre as 09,00 e as 13,30 horas. As achegas deste programa, dotado cun 2 millóns de euros, adxudicaránse en réxime de concurrencia competitiva.

O alcalde deu conta onte a mañá da apertura do prazo para solicitar o Programa municipal de axudas para gastos de aloxamento, subministros e alimentación dotado con 2 millóns de euros. Tal e como explicou, os interesados poderán optar a estas achegas ata o 14 de xullo, solicitándoas nunha oficiña instalada na Lonxa do Concello e a adxudicación será en réxime de concurrencia competitiva. Tal como explicou o rexedor, estánse a axilizar os trámites para que estes cartos cheguen canto antes ás familias dado que xa se poden facilitar cando aínda non está en vigor o orzamento de 2014.

Os requisitos para acceder a estas axudas sociais son os seguintes:
- todos os membros da unidade de convivencia deben residir e estar empadronado en Vigo desde hai tres anos;
- todos os membros da unidade familiar deben compartir vivenda co solicitante a data 1 de xaneiro de 2014;
- ningún membro da unidade de convivencia pode ter renunciado a ningunha axuda o prestación á que tivera dereito;
- ningún membro da unidade pode ter ben inmoble que non sexa a vivenda habitual;
- as rendas da persoa ou unidade de convivencia, unha vez descontado o coste mensual dos gastos de aloxamento, non superen os seguintes límites:

Ingresos máximos por unidade de convivencia:
1 membro: 200 euros
2 membros: 300 euros
3 membros: 375 euros
4 membros: 450 euros
5 membros: 500 euros
6 membros: 575 euros

Os gastos mensuais de aloxamento que se poderán deducir dos ingresos son os seguintes:
1 membro: 150 euros
2 membros: 250 euros
3 membros: 275 euros
4 membros: 300 euros
5 membros: 350 euros
6 membros: 400 euros

Máis información: https://sede.vigo.org/expedientes/avisos/aviso.jsp?id=328&lang=ga

Noticias, Vecindad , , ,