O Concello prevé abrir en xaneiro de 2015 a nova escola infantil municipal de Navia

O alcalde, Abel Caballero, encabezou este mércores a representación municipal no acto de colocación da primeira pedra da nova escola infantil de Navia, ubicada xunto ao colexio Castelao, que conta cun orzamento de máis de 700.000 euros e un prazo estimado de execución de 7 meses.

Primera Piedra Escuela Infantil Navia 19/3/2014

Primera Piedra Escuela Infantil Navia 19/3/2014

O Concello de Vigo puxo este mércores a primeira pedra da construción da futura escola infantil de Navia, que erixe o goberno local cun orzamento superior aos 700.000 euros e un prazo de finalización da obra estimada en 7 meses. O alcalde, Abel Caballero, encabezou este acto institucional no que participaron concelleiros dos tres grupos políticos con representación na Corporación viguesa e avanzou que a previsión municipal data para xaneiro do próximo ano a apertura ao público das 100 prazas coas que contará o novo centro educativo.

A futura escola infantil estará composta de pranta baixa e soto. O alcalde salientou que “era unha necesidade imperiosa” para o barrio de Navia e revelou que o deseño do edificio será “certamente moderno e excepcional”. Caballero indicou que a de Navia será a cuarta escola infantil que poña en marcha o Concello baixo o seu mandato, duplicando a oferta de prazas e mantendo as tarifas conxeladas desde o ano 2007.

Infografía Proyecto Escuela Infantil

Infografía Proyecto Escuela Infantil

Colexio Castelao
Xusto ao lado da escola infantil está a construirse a cuberta do patio do colexio, con cargo ao Concello de Vigo, segundo apuntou Caballero, tras rexeitar a Xunta de Galicia acometer a devandita obra. O alcalde recordou que a administración local carece de competencias na materia.

Cultura y Educación, Infraestructuras, Noticias, Servicios Públicos , ,